Vedtekter

Vedtekter for Follese Heimbygdlag

Vedtekter for Follese Heimbygdslag fastsatt av ordinært årsmøte 04.05.2015, med endringar, på ordinært årsmøte den 09.04.2025.

KAPITTEL 1 - ORGANISATORISKE FØRESEGNER

§1-1 Namn

Foreiningas fulle namn er Follese Heimbygdlag, stifta 07.08.1955.

§1-2 Formål

• a) Follese Heimbygdlag er ein ideell organisasjon som skal arbeide for å ta vare på, forvalte og utvikle Husmannsplassen i Træ på Follese som ein kulturhistorisk stad.
• b) Foreininga skal fremje lokalhistorisk kunnskap, skape engasjement for lokal kulturarv og styrke fellesskapet i bygda gjennom satsing på god folkehelse og stedstilhørighet.

§1-3 Juridisk person

Foreninga er ein sjølveigande og frittståande juridisk eining. Forpliktingane til foreninga heftar berre for foreninga si eiga økonomi, og ingen medlemmar eller tillitsvalde har personleg ansvar.

KAPITTEL 2 - MEDLEMSKAP

§2-1 Medlemskap

• a) Alle som støttar foreiningas formål og vedtekter, samd er fylt 18 år, kan verte medlem.
• b) Medlemskap gjeld for det einskilde medlem i eitt år om gongen frå årsmøte til årsmøte og vert kun gyldig ved innbetaling av medlemskontingent fastsett av årsmøtet.
• c) Medlemskap opphøyrer automatisk ved manglende innbetaling av kontingent eller når medlemmet skriftleg melder seg ut av foreininga.

§2-3 Æresmedlemskap

Æresmedlemmar kan utnemnast av årsmøtet etter forslag frå styret. Æresmedlemmar får livsvarig medlemskap og er fritekne frå å betale medlemskontingent.

§2-4 Ekskludering av medlemskap

• a) Formålsstridige handlingar kan føre til utestenging av eit medlem etter forslag frå styret. Det same gjeld handlinger som strir grunnleggjande mot krav til saklegheit, lojalitet, etiske retningslinjer, korrupsjon eller god organisasjonsskikk, og for vesentleg misleghald av andre medlemsforpliktingar.
• b) Den som får ei utestengingssak retta mot seg, skal givast skriftleg varsel frå styret om forslaget om eksludering med grunngivinga for dette, og har rett til å tala si sak på det ordinære årsmøtet som behandler saka. Varslet må vere postlagt (rekommandert) ein månad før det ordinære årsmøtet.
• c) Vedtak om ekskludering fattes av ordinært årsmøte med 2/3 fleirtal og vedtaket er endeleg.
• d) Ekskludering skjer på ubestemt tid. Ekskluderte medlemmar kan ikkje ha verv eller vere ansatt i foreininga.

KAPITTEL 3 - ÅRSMØTE

§3-1 Årsmøte

• a) Årsmøtet er foreininga si høgste myndigheit og vert haldt kvart år innan utgangen av fyrste kvartal.
• b) Årsmøtet vert kalla inn av styret med minst 1 månads varsel, direkte til medlemmane og/eller ved kunngjering i media eller på internett.
• c) Forslag som skal behandlast på årsmøtet, skal vere sendt til styret seinast 3 veker før årsmøtet. Fullstendig sakliste må vere tilgjengeleg for medlemmane seinast 2 veker før årsmøtet.
• d) Alle medlemmar har møte-, tale-, forslags-, og stemmerett på årsmøtet. Årsmøtet kan avgjere om årsmøtet skal vere ope eller lukka for presse og/eller andre aktørar.
• e) Årsmøtet er vedtaksført med det talet stemmeberettiga medlemmar som møter. Ingen har meir enn éi stemme, og stemmegjeving kan ikkje skje ved fullmakt.
• f) Forslag om vedtektsendring skal offentleggjerast for medlemmane minst 2 veker før årsmøtet.
• g) Alle forslag om vedtektsendring skal vere skriftleg og det er ikkje lov å kome med benkeforslag i saker som gjeld vedtektsendring.
• h) Årsmøtet si dagsorden kan ikkje endrast etter at møtet er opna, med mindre to tredjedelar av dei frammøtte med stemmerett vedtek dette.
• i) Det skal førast protokoll over årsmøtets forhandlingar og vedtak. Innan to veker etter gjennomføring av årsmøtet skal signert protokoll frå årsmøtet vere tilgjengeleg for medlemmane og tillitsvalde skal vere registrert i Brønnøysundregisteret.

§3-2 Stemmerett og valbarheit

Alle medlemmar har stemmerett og er valbare til tillitsverv ved fylte 18 år.

§3-3 Leiing av årsmøtet

Årsmøtet vert leia av ein vald møteleiar med ordinært fleirtal. Møteleiar treng ikkje vere medlem av foreininga.

§3-4 Stemmegiving på årsmøtet

• a) Dersom ikkje anna er bestemt, vert eit vedtak gyldig med ordinært fleirtal av dei avgitte stemmene. Blanke stemmer tel ikkje.
• b) Val skal vere skriftleg dersom eit medlem ber om det. Berre foreslåtte kandidatar kan skrivast på stemmesetelen. Dersom fleire skal veljast samtidig, må stemmesetelen innehalde rett antal ulike kandidatar.
• c) Blanke stemmesetlar, eller setlar med feil antal eller kandidatar som ikkje er foreslåtte, vert ikkje telt. Ved enkeltvise val må ein kandidat få over halvparten av stemmene for å verte vald. Om ingen oppnår dette, vert det omval mellom dei to med flest stemmer.
• d) Ved likt stemmetal i eit omval vert vinnaren avgjort ved loddtrekking. Når fleire kandidatar er på val, må kvar kandidat få meir enn halvparten av stemmene for å bli vald. Dette gjeld ikkje for vararepresentantar.
• e) Om ikkje nok kandidatar vert valde i første runde, vert dei som har fått over halvparten av stemmene, rekna som valde. Resten går til eit bunde omval, der dei med flest stemmer vert valde. Ved likt stemmetal i omval avgjer loddtrekking.

§3-5 Årsmøtets oppgåver

Årsmøtet skal:

• Godkjenne årsrapport og rekneskap
• Vedta budsjett og arbeidsplan for det kommande året
• Fastsetje medlemskontingent
• Handsame innkomne saker
• Velje styre, revisor og valkomité

§3-6 Styrets samansetjing

Foreininga skal leiast av eit styre med fem medlemmar:

• Leiar
• Nestleiar
• Kasserar
• Sekretær
• Eitt styremedlem

I tillegg skal det veljast to varamedlemmar i prioritert rekkjefølgje:

• Første varamedlem
• Andre varamedlem

§3-7 Val og funksjonstid

Årsmøtet vel følgjande:

• a) Leiar – som veljast for et år om gongen
• b) Nestleiar – som veljast for to år om gongen
• c) Kasserar – som veljast for to år om gongen
• d) Sekretær – som veljast for to år om gongen
• e) Styremedlem – som veljast for et år om gongen
• f) Varamedlem – som veljast for to år om gongen
• g) Revisor – som veljast for et år om gongen
• h) Ei valnemnd på tre medlemmar for tre år. Første gong vert medlemmane valde for eitt, to og tre år. Deretter er eitt medlem på val kvart år. Leiar for valnemnda skal vere det medlemmet som har lengst funksjonstid.

§3-8 Styret sitt arbeid

Styret har ansvar for den daglege drifta av foreininga og for å sikre at vedtak gjort av årsmøtet vert gjennomførte. Styret kan opprette komitear/gruppar for å ta seg av spesifikke oppgåver ved behov.

§3-9 Innkalling til styremøte

Styret vert kalla saman av styreleiar minst éin veke før styremøtet. Saksliste skal følgje innkallinga og det skal førast skriftleg referat frå kvart styremøte.

§3-10 Beslutningsdyktig styre

Styret er beslutningsdyktig når minst tre medlemmar er til stades. Varamedlemmar har møterett og har stemmerett dersom eit fast møtande styremedlem ikkje kan stille. Om styret er delt i ei sak har styreleiar dobbelstemme.

§3-11 Honorar

Tillitsvalte skal ikkje motta honorar for verva sine.

§3-12 Signaturett

• a) Styret representerar foreininga utad og teikner dets namn, dvs. signerer for foreininga.
• b) Foreininga kan i vedtektane gje signaturrett til styrets leiar, nestleiar og kasserar, kvar for seg (aleine) eller saman.

§3-13 Opphør av tillitsverv

Når eit tillitsverv i foreininga utløpar eller opphøyrer på ein anna måte, plikter den som har hatt tillitsvervet å levere tilbake eigedelar og disposisjonsrettar til foreininga.

§3-14 Ekstraordinært årsmøte

• a) Ekstraordinært årsmøte kan innkallast dersom styret vedtek det, eller minst ein tredjedel av dei betalande medlemmane krev det skriftleg. Innkalling til ekstraordinært årsmøte skal sendast ut minst to veker før møtet, og innkallinga skal innehalde dagsorden med dei sakene som skal behandlast.
• b) Ekstraordinært årsmøte kan berre handsame dei sakene som er oppførte på dagsorden i innkallinga. Vedtak krev det same fleirtalet som på ordinært årsmøte, med mindre anna er fastsett i vedtektene. Forslag til vedtektsendringar kan ikkje verte handsame på eit ekstraordinært årsmøte.

§3-15 Valnemnd

• a) Foreininga skal ha ei valnemnd som består av tre medlemmar, inkludert ein leiar. Første gong vert medlemmane valde for eitt, to og tre år. Deretter er eitt medlem på val kvart år. Leiar for valnemnda skal vere det medlemmet som har lengst funksjonstid.
• b) Valnemnda har som oppgåve å førebu val av styremedlemmar og eventuelle andre tillitsvalde til årsmøtet. Dette inkluderer:
  • Å kartleggje kven som er villige til å stille til val
  • Å sikre at kandidatane har relevant kompetanse og erfaring
  • Å foreslå kandidatar til alle verv som skal veljast av årsmøtet
• c) Valnemnda skal leggje fram si innstilling for styret minst 3 veker før årsmøtet, og innstillinga skal offentligjerast for medlemmane saman med dei endelege sakspapira til årsmøtet.
• d) Medlemmar av valnemnda har ikkje moglegheit til å stille til val til andre tillitsverv i foreininga, så lenge dei er medlem av valnemnda.

KAPITTEL 4 - ØKONOMI

§4-1 Økonomi

• a) Foreininga kan drive økonomisk aktivitet, inkludert utleige, sal av varer og tenester, samd gjennomføre kommersielle arrangement, så lenge dette er i tråd med foreininga sine vedtekter og formål. All økonomisk aktivitet skal vere i tråd med gjeldande juridiske lover og regelverk.
• b) Det er ikkje lov for foreininga å ta opp lån, stille garantiar og/eller å pansette/selje eigedom eller verdiar. Dette punktet er ufråvikeleg og endeleg.
• c) Ved eit eventuelt økonomisk overskudd på årsmøte, skal minst 30% av overskuddet avsetjast til foreiningas vedlikehaldsfond. Midlane i fondet skal forvaltast på ein trygg, ansvarleg og gjennomsiktig måte, med strenge retningslinjer for å unngå misbruk. Kun avkastninga frå fondet skal nyttast av foreininga og midlane kan kun nyttast til vedlikehald og naudsynte infrastrukturelle utbetringar/investeringar. Uttak frå avkasting i fondet må godkjennast av eit ordinært årsmøte. Fondet skal vere ein langsiktig ressurs som trygger økonomisk stabilitet og framtidig utvikling for foreininga.

§4-2 Retningsliner for vedlikehaldsfondet

Vedlikehaldsfondet skal sikre økonomiske midlar til langsiktig vedlikehald, utbetringar og investeringar i foreiningas eigedommar og infrastruktur. Berre avkastninga kan brukast, og midlane skal kun gå til vedlikehald og naudsynte infrastrukturelle utbetringar/investeringar som støttar foreiningas formål, i tråd med vedtektane.

• a) Forvaltning av fondet
  Midlane i vedlikehaldsfondet skal forvaltast på ein trygg og ansvarleg måte. Fondet skal vere plassert i sikre og lønnsame investeringar, som til dømes statsobligasjonar, bankinnskot eller andre trygge finansielle instrument. Fondet skal forvaltast av styret i samråd med gjeldande bank.
• b) Bruk av avkastning
  Kun avkastninga frå vedlikehaldsfondet skal nyttast. Avkastninga skal gå til vedlikehald/utbetringar av bygningar, anlegg og infrastruktur som tilhøyrer Follese Heimbygdlag. Alle forslag om bruk av midlane frå fondet skal godkjennast av årsmøtet med 2/3 fleirtal.
• c) Godkjenning av bruk
  Bruken av midlar frå fondet skal vere godt dokumentert, og forslag om bruk skal innehalde klare definerte formål og kostnadsoverslag. Alle bruksforslag skal godkjennast av årsmøtet, ordinært eller ekstraordinært, før midlar vert nytta.
• d) Rapportering og kontroll
  Styret som forvaltar vedlikehaldsfondet rapporterer til årsmøtet om fondets status og avkastning. Det skal gjennomførast årlege revisjonar for å sikre at fondet vert forvalta i samsvar med vedtektene og god økonomisk praksis.

KAPITTEL 5 - FORSKJELLIGE FØRESEGNER

§5-1 Husmannsplassen i Træ

• a) Follese Heimbygdlag har ansvar for vedlikehald, drift og bruk av Husmannsplassen i Træ. Eigedommen skal nyttast til kulturformidling, arrangement og andre tiltak som fremjar foreininga sitt formål. Husmannsplassen kan óg nyttast til inntektsgjevande aktivitetar.
• b) Ved drift og utvikling av Husmannsplassen skal omsyn til miljø og natur vere eit overordna prinsipp, og bærekraftige løysingar skal prioriterast.

§5-2 Tilgjenge og samarbeid

Foreininga skal sikre at Husmannsplassen er tilgjengeleg for allmenta, innan rimelege rammer. Det skal leggast til rette for samarbeid med andre lag, organisasjonar og institusjonar som har tilsvarande formål og målsettingar, samd som deler foreininga si grøne profil.

§5-3 Politisk og religiøs nøytralitet, mangfald og inkludering

• a) Follese Heimbygdlag skal vere ein politisk og religiøst nøytral organisasjon. Foreininga skal ikkje ta stilling til eller fremje politiske eller religiøse synspunkt i si verksemd.
• b) Foreininga skal aktivt fremje mangfald og inkludering, og leggje til rette for deltaking frå alle, uavhengig av kjønn, alder, seksuell legning, funksjonsevne, etnisitet, kultur, tru eller livssyn. Verksemda skal bidra til å skape eit inkluderande fellesskap der alle medlemmar vert respekterte og kjenner seg velkomne.
• c) Foreininga skal arbeide for å vere ein organisasjon der mangfald vert sett pris på og respektert.

§5-4 Grøn profil og miljøomsyn

Follese Heimbygdlag forpliktar seg til å fremje bærekraftige tiltak og ta omsyn til miljøet i all si verksemd. Arrangement, vedlikehald og andre aktivitetar skal gjennomførast med fokus på resirkulering, energisparing og bruk av miljøvennlege materialar og metodar.

KAPITTEL 6 - AVSLUTTANDE FØRESEGNER

§6-1 Endring av vedtekter

Endringar i vedtektene kan berre gjerast etter vedtak på ordinært årsmøte med to tredjedels fleirtal av dei frammøtte med stemmerett.

§6-2 Oppløysing av foreininga

• a) Vedtak om oppløysing av foreininga kan kun skje etter tre påfølgjande ordinære årsmøte med minst to tredjedels fleirtal.
• b) Ved oppløysing skal eigedom, verdiar og midlar gå til institusjonar eller foreiningar med formål som fremjar lokal kulturarv i Askøy kommune, fortrinnsvis Follesebygda, etter godkjenning av årsmøta.

§6-3 Ikraftsetjing

Desse vedtektene trer i kraft straks dei er godkjende av årsmøtet.